ÍF Føroyar – Herlev/Hjorten Håndbold 20-22
Næsti steypadystur hetta kappingarárið varð tíverri eisini til tann seinast, tá fyrsta mansliðið hjá ÍF Føroyum tapti ímóti Herlev/Hjorten Håndbold 20 – 22. Steypakappingin gekk annars so strúkandi væl í fjør, har liðið var ein dyst frá at spæla 1/8 finalu ímóti KIF Kolding/København.
Dysturin var ikki merktur av serliga høgum intensitet og var hálvleiksstøðan bara 9-11 til mótstøðuliðið. Tað vóru sum heild skotin fá mál í dystinum, ið ikki hevði serliga høgt tempo. Tað gekk sum heild strilti at fáa mál, eins og vit ikki fingu okkara skjótálop ella 2. bylgju at koyra. Nakað sum hevur verið saknur í flestu av dystunum hetta kappingarárið.
Sigast kann tó, at tá umleið 10 minuttir vóru eftir at spæla, var tó ein glotti at hóma og nógv meira geistur/spæligleði/avgjørdheit var at síggja hjá øllum leikarum – eisini takkað verið teimum góðu áskoðarunum, ið heppaðu væl hesa løtuna. Her otaðu vit okkum inn á mótstøðuliðið. Men, tíverri, so var tað var „too little too late‟ og vit taptu dystin.
Vit hava ikki rættiliga funnið stevið enn, tí vit hava góðar mans, ið allir duga at spæla hondbólt, bæði á fyrsta og øðrum liði. Men vit falla ikki í fátt. Vit hava ein dyst aftur sunnudagin ímóti einum av toppliðunum í 3. división, og trúgvi eg, at vit koma sterkt aftur og skjótt fara at vísa, at vit eru betri enn, hvat vit higartil hava presterað (burtursæð frá tí fyrra steypakappingardystinum).
Málskjúttarnir vóru:
Jóannes 5
Rói 3
Bogi 3
Kristoffur 3
Tummas Pauli 3
Janus 2
Tróndur 1
Rói gjørdist dagsins leikari við 4 atkvøðum.
Eik stuðlar besta mansliðið!