Við tveimum sigrum í líka nógvum dystin, tók ÍF Føroyar ímóti Amager SK leygardagin á heimavølli. Talan var um eina grannauppgerð og var tí nógv fokus á dystinum. Fitt av fólkið vóru eisini møtt upp í høllini fyri at uppliva ein spennandi dyst. Tó bleiv talan aldrin um ein flott spældan dyst.
Dystargongd
Amager SK kom betur frá byrjan og løgdu seg á odda beinavegin í dystinum. Sum fyrri hálvleikur leið kom ÍF Føroyar betur inn í dystin og fingu minka um málmunnin. Hálvleikstøðan var eisini +1 mál til Amager SK.
Seinni hálvleikur byrjar við at ÍF Føroyar fær tvey skjótt mál og koma frammum fyri fyrstuferð í dystinum. Hetta helt sær ikki leingi, tí tá seinni hálvleikur er hálvrunnin hava Amager SK vunnið sær eina leiðslu uppá 4-5 mál. Hendan sama leiðslan helt sær restina av dystinum og endaliga úrslitið gjørdist 20 – 25 til Amager SK.
Um dystin
Tað sum eyðkendi hendan dystin var at hetta ikki var ein væl spældur dystur, við nógvum tekniskum feilum og nógvum brendun skotum. Serliga var tað í álopspartinum at vit taptu dystin. Amager SK hevði eina offensiva verju og megnaðu at takað okkara skjútar út úr dystinum. Hetta gav tó møguleikar hjá okkum at koma til stórar kjansir, men sum sagt so brendu vit alt ov nógvar 100 % kjansir og tá er ringt at vinna ein hondbóltsdyst. Verjan hjá okkum var heldur ikki tann besta hendan dagin. Vit byrjaðu dystin við at hava eina offensiva 3-2-1 verju, men fóru skjótt aftur til eina meira stationæra 6-0 verju, sum riggaði betur. Vit fingu tó aldrin ordiliga takið á teimum í verjuni, har serliga 10’arin hjá Amager SK fekk nógv mál. Sum sagt so var tað ikki í verjuni at vit taptu dystin, men heldur í álopspartinum.
Samanumtikið var hetta ein dagur har í ikki nógv riggaði hjá okkum. Vit mugu koyra hart á til venjing hesa vikuna og finna okkara góða spæl fram aftur næsta vikuskifti, tá ið vit fáa vitjan av Furesø Håndbold.
Málskjúttarnir vóru:
Rókur 6
Tróndur 4
Rani 4
Kristoffur 3
Jóannes 1
Tummas Pauli 1
Bjarti 1
Dagsins leikari gjørdist Tróndur við 5 atkvøðum.
Eik stuðlar besta mansliðið!