Øll trý liðini hjá ÍF Føroyum spæla í sundbyhøllini, sum er á englandsvej 61, í kvøld. Kvinnurnar leggja út kl. 18, síðani er tað 1. mans lið kl. 19.10 og 2. manslið spælir kl. 20.20.
Hjá kvinnunum er hetta fyrsti dystur eftir steðgin. Fyrra hálvár byrjaði illa, men vend kom í og nú liggja kvinnurnar á einum 5. plássi við 9 stigum eftir 9 dystir. Dysturin í dag er móti Furesø Håndbold, sum liggja nummar 9. Seinast taptu okkara kvinnur móti Furesø, men sum skilst skal hetta hevnast í dag.
1. manslið spældi sín fyrsta dyst eftir jólasteðgin týsdagin, sum endaði við sigri móti eitt av toppliðunum í deildini. Í kvøld er dysturin móti Birkerød, sum liggja nummar 9 í deildini. Hóast allir mans ikki eru komnir niður aftur og eksmensperiodan er í hæddini, er venjiarin við gott mót undan dagsins dysti. Undan dagsins dysti liggur 1. lið á 2. plássi í seriu 1.
2. lið spældi sín fyrsta dyst eftir steðgin sunnudagin. 2. lið vann sín bólk í fyrru hálvu og eru tí komnir víðari í A-bólkin. Heini Kritiansen, sum spældi við 2. liði síðsta vikuskifti, hetta at siga um dystin:
„31 – 31 gjørdist úrslitið í útidystinum móti Birkerød seinasta vikuskifti, og tað vóru vit argir um. Vit høvdu nevniliga verið framman fyri allan dystin, og einaferð í seinna hálvleiki var munurin heili sjey mál. Spakuliga minkaðu Birkerød tó um munin. Vit tóktust ikki at varnast vandan og kannaðu okkum helst sigurin ov tíðliga.
Samanumtikið sera harmiligt, at sigurin ikki kom í hús, tí ÍF FO var klárt betra liðið hendan dagin. Men tað var tó positivt at síggja sera gott álopsspæl frá okkara síðu; serliga í fyrra hálvleiki. Verjan var tó ikki nakað at reypa av.
Um mótstøðan í hesi puljuni verður á sama støði sum Birkerød, so skal 2. liðið nokk fáa nakrar góðar dystir við betri mótstøðu enn í fjør.‟
Tí verður spennandi at vita hvussu dysturin í dag móti HK syd fer at ganga.
J&K Petersen stuðlar kvinnunum, men Eik og Trygd stuðla ávíkavist 1. og 2. mansliði